Mediat italiane raportuan se familja Zhang i ka dhënë mandat bankës Rothschild për të shitur klubin

Presidenti i Interit, Steven Zhang, ka mohuar kategorikisht thashethemet për shitjen e mundshme të klubit. Sipas Il Corriere dello Sport, familja Zhang i ka dhënë mandat bankës Rothschild për të gjetur aksionerë të rinj, për ta shitur klubin. Por, Steven Zhang i ka mohuar të gjitha këto me një postim në faqen zyrtare të Interit. “Në lidhje me thashethemet e raportuara sot, duke iu referuar shitjes së FC Internazionale Milano, presidenti Steven Zhang mohon kategorikisht këto pretendime të rreme dhe thekson se ato janë krejtësisht të pabazuara”, thuhet në njoftimin e klubit.