Aaron Ramsey do ta përfundojë sezonin aktual me Arsenalin, teksa nuk pritet që të arrijë që në merkaton e janarit te “Zonja e Vjetër”. Tifozët e Juventusit duhet të presin verën, më konkretisht muajin qershor, që ta shohin uellsianin me fanellën bardhezi.
Sigurisht, është një goditje e Paratici, i cili edhe pa Marotta dëshmon se është një nga menaxherët më të mirë në nivel europian. Në fakt, merret vesh se vetë Ramsey donte fort Juventusin, duke e preferuar atë para PSG-së dhe Bayern Munich.
Palët kanë gjetur marrëveshjen e duhur dhe Ramsey do të largohet drejt Torinos në fund të kontratës me Arsenalin. Sipas “Sky Sport”, uellsiani do ta nënshkruajë kontratën me Juventusin direkt, pasi kampionët e Italisë të luajnë Superkupën ndaj Milanit, më 16 janar.
