Që nga data 6 maj, dita kur ish-aktorja Meghan Markle solli në jetë foshnjën mbretërore pothuajse e gjithë bota është bërë kureshtare se si do të quhet.
Ishte vetë princ Harry, ai që dha lajmin se Meghan kishte lindur dhe se e kishte bërë atë baba të një djali të shëndetshëm.
Kurse gjatë ditës së sotme, princi dhe ish-aktorja janë shfaqur në publik me beben e sapolindur. Prindërit e rinj janë paraqitur mjaft entuziastë para gazetarëve dhe kanë bërë publik portretin e të birit.
Ndërsa, vetëm pak minuta më parë nëpërmjet rrjeteve sociale ata kanë lajmëruar se i biri quhet Archie.
Në postimin në faqen zyrtare të familjes mbretërore shkruhet:
Duka dhe Dukesha e Sussex janë të lumtur t’ju njoftojnë, se e kanë vendosur emrin e fëmijës së tyre të parë: Archie Harrison Mountbatten-Windsor.”
Po ashtu krahas këtij, postimi është publikuar edhe një foto. Siç shikohet edhe në foto edhe vetë Mbretëresha Elisabet ishte e pranishme pasditen e sotme për të takuar stërnipin e saj të tetë.
Dukesha e Sussex tha para kamerave më herët:
Ai është shumë i qetë dhe i ëmbël. Kam dy djemtë më të mirë në botë.”
