Mëngjesin e të dielës së 17 majit u shemb Teatri Kombëtar, pavarësisht qëndrimeve kundër të artistëve, qytetarëve, aktivistëve të Aleancës për Mbrojtjen e Teatrit, të cilët dolën edhe në protestë duke kundërshtuar këtë veprim. Por një ditë pas shembjes së Teatrit Aleanca për Mbrojtjen e Teatrit bën me dije se është komunikuar në nga organizata Trashëgimisë në Bashkimin Europian, “Europa Nostra”. “Besoj se Ambasadori i BE-së do të publikojë një deklaratë të BE-së. Na bëni të ditur kur kjo të ketë ndodhur”, shkruan Europa Nostra. Gjithashtu në mesazhin e saj Europa Nostra ka vlerësuar qëndrimin e artistëve kundër shembjes së Teatrit ndërsa shkruan: “Me shumë shpresë që gjithë njerëzit që janë arrestuar do të lirohen së shpejti. Nëse e ndieni që duhet të bëjmë diçka për ta, na e bëni të ditur”.
Mesazhi: Të dashur Miq, Dëshiroj të ndaj me ju shprehjen e simpatisë së thellë, solidaritetit të sinqertë dhe mbështetjen time të plotë morale. Kam përcjellë mesazhin tuaj direkt të Komisionerja Gabriel dhe kam qenë në kontakt me të dhe Kabinetin e saj këtë mëngjes. Besoj se Ambasadori i BE-së do të publikojë një deklaratë të BE-së. Na bëni të ditur kur kjo të ketë ndodhur. Me shumë shpresë që gjithë njerëzit që janë arrestuar do të lirohen së shpejti. Nëse e ndieni që duhet të bëjmë diçka për ta, na e bëni të ditur. Me trishtim të thellë dhe shumë vlerësim për betejën tuaj heroike për Teatrin tuaj, Sneška
