Ngjyra lejla mbizotëronte në ceremoninë e inagurimit të Presidentit të 46-të të Shteteve të Bashkuara, Joe Biden, ditën e djeshme, të paktën për sa i përket grave.
Zëvendës-presidentja, Kamela Harris, ish-zonja e parë Michelle Obama, ish-kandidatja për presidente Hillary Clinton, të gjitha ishin kujdesur të kishin lejlanë pjesë të veshjes së tyre. Përzgjedhja e ngjyrës lejla ishte jo e rastësishme, pasi ajo simbolizon 3 gjëra: pushtetin mbretëror, titullin e nderit që i jepet ushtarëve heronj, si dhe unitetin.
Ky i fundit është në fakt simboli më domethënës teksa SHBA-ja përballet me një përçarje të madhe politike, duke qenë se ish-Presidenti Donald Trump nuk mori pjesë në ceremoninë e dorëzimit të pushtetit te Presidenti i ri Joe Biden, pasi që më parë ka deklaruar se votat janë vjedhur.
