Kampioni gjerman, Bayern Munichu, e ka nderuar Lionel Messin duke ia kushtuar pesë-herë fituesit të Topit të Artë një hapësirë në muzeun e stadiumin “Allianz Arena”.
Lionel Messi konsiderohet nga shumë tifozë si futbollisti më i mirë i të gjitha kohëve, për shkak të paraqitjeve të tij mbresëlënëse me Barcelonës gjatë gjithë karrierës, transmeton Gazeta Express. Në vitin 2012, sulmuesi i Barcelonës i shënoi 91 gola brenda një viti kalendarik, duke e kaluar rekordin që Gerd Muller e kishte vendosur në vitin 1972, prej 85 golash brenda vitit.
Vetëm pak kohë pasi Messi e theu këtë rekord, ai vendosi t’ia dhurojë legjendës së Bayernit, Mullerit, një fanellë të nënshkruar, ku shkruhej: “Për Gerd Mullerin / me respekt dhe adhurim / përqafime”.
72-vjeçari pastaj ia dhuroi këtë fanellë të argjentinasit ish-klubit të tij. Kjo fanellë tani është i vetmi gjësend në muzën e Bayernit që nuk ka asnjë lloj lidhjeje me historinë e klubit gjerman.
Kur Messi e dërgoi fanellën e tij, ajo u shoqërua me një letër të shkruar nga atëherë presidenti i Barcelonës, Sandro Rosel. Letra ishte shkruar për homologun e tij në Bayern Munich, Karl-Heinz Rummenigge, dhe letra titullohej “mirënjohje për lojtarin dhe personin që është Gerd Muller”.
Letra vazhdohej duke përshkruar se si edhe Messi e edhe Muller janë bërë legjenda të sportit në Barcelonë dhe Bayern.
