Kryeministri Edi Rama do ketë sërish dhimbje koke në dekretimin e qeverisë. Rama duket se ka një mur të lartë përballë për të kaluar dhe ai është Presidenti i Republikës.
Ilir Meta pritet që të refuzojë dekretimin e të paktën një prej ministrave të rinj, të emëruar nga Rama.
Burime nga Presidenca i thanë CNA.al se Iir Meta mund të refuzojë ministrin e ri të Jashtëm, Genti Caka, i emëruar nga kryeministri Rama.
Presidenti duket të ketë mjaft argumenta në lidhje me ministrin e propozuar nga Rama. Që nga fakti se prej vetëm një viti ka shtetësinë shqiptare, eksperinca e pakët në politikë e diplomaci, si dhe mungesa e çertifikatës së sigurisë për Cakën, janë disa nga argumentat. Pa folur më tej për përballjet me kolegët e rajonit dhe BE-së.
Meta do përballet sërish me kryeministrin, i cili do këmbëngulë në ministrin e tij kosovar me shtetësi shqiptare, por këtë herë vështirë të ketë një tërheqje nga ana e presidentit./ CNA.al
