Presidenti i Republikës, Ilir Meta u takua në Paris me kryeministrin e Izraelit, Benjamin Netanyahu. Meta shprehet në Facebook se mes dy vendeve ekziston një marrëdhënie unike.
“Kënaqesi të takohesha në Paris me Kryeministrin e Izraelit, Benjamin Netanyahu. Një marrëdhënie unike mes popujve tanë në respekt e mirënjohje të historisë dhe të dëshirës për një marrëdhënie edhe më të ngushtë në të ardhmen. 🇦🇱🤝🇮🇱”- shkruan Meta.
Meta ndodhet në Paris me rastin e një ceremonie për 100 vjetorin e mbarimit të Luftës së Parë Botërore.
Takimi mes Metës dhe Netanjahut ka ardhur pas anulimit të vizitës të këtij të fundit që ishte parashikuar për në datën 1 nëntor.
