Presidenti i Republikës, Ilir Meta, vijon të shijojë freskinë e malit në zonën turistike të Prevallës, në këto ditë të nxehta gushti.
Presidenti i Republikës vijon pushimet në malësinë e Sharrit. Ai konkretisht ka zgjedhur të pushojë në këto ditë të nxehta gushti në Prevallë. Nga atje ai ka ndarë me ndjekësit edhe një foto nën shoqërinë e bashkëshortes së tij, Monika Kryemadhi dhe një blegtori të quajtur Bajram.
Duke se ai po i shijon shumë pushimet në Prevallë dhe sidomos kosin që bën kjo zonë. Meta shkruan se nëse do të kishte një çmim ndërkombëtar se kush prodhon kosin më të mirë, atë do ta fitonte Bajrami, në Prevallë.
“Nëse do jepej një çmim ndërkombëtar se kush prodhon kosin më të mirë, nuk do habitesha që vendin e parë do ta fitonte Bajrami, këtu në Prevallë.
Edhe pse dikur mësues, ai i është rikthyer tani traditës shekullore të familjes së tij si blegtor, duke shkëlqyer me punën dhe produktet mjaft cilësore.
I lumtur të njihja këtë njeri të mrekullueshëm” shkruan Meta.
