Presidenti i Republikës, Ilir Meta ka kërkuar nga ambasadori i Meksikës në Shqipëri që të liberalizojë regjimin e vizave me për shqiptarët.
Gjatë pritjes që i bëri ambasadorit të ri, Carlos Eugenio Garcia de Alba Zepeda, me rastin e paraqitjes së Letrave Kredenciale, Kreu i Shtetit u shpreh: “Shpreha interesin për rritjen e mëtejshme të marrëdhënieve dypalëshe, me qëllim forcimin e bashkëpunimit ekonomik e tregtar, në turizëm, kulturë dhe në fusha të tjera“.
Ndërkohë, gjatë takimit, Meta i ka kërkuar diplomatit meksikan që, shteti i Amerikës Qëndrore, ashtu si edhe Shqipëria më parë, të liberalizojë regjimin e vizave për shqiptarët.
“I kërkova Ambasadorit Zepeda, që edhe Meksika, ashtu si edhe Shqipëria më parë, të liberalizojë regjimin e vizave për shtetasit shqiptarë”.
