Presidenti i Republikës, Ilir Meta ka mbledhur sot në Presidencë disa kontrollorë të AlbControl, pas situatës së rënduar që u krijua sot në aeroportin e Rinasit.
Kontrollorët bllokuan punën pasi arsyeja kryesore është përgjysmimi i pagës si dhe pezullimi nga puna i dy prej punonjësve. Çështja ka marrë nuancë politike pas deklaratave të bëra sot nga kryeministri Rama, presidenti Meta, Basha dhe ministrja e Infrastrukturës, Belinda Balluku. Meta më herët u shpreh i shqetësuar lidhur me situatën, duke i bërë thirrje kontrollorëve që të qendrojnë në detyrë dhe të mos rrezikohet siguria kombëtare e vendit.
