Kreu i Shtetit Ilir Meta po zhvillon një vizitë zyrtare në Mal të Zi ku është takuar edhe me homologun e tij, Milo Gjukanoviç i cili e ka cilësuar këtë vizitë si vërtetim të marrëdhënieve të shkëlqyera midis dy vendeve.
Presidenti i Malit te Zi, Milo Gjukanoviç gjate konferences se perbashket per mediat me Presidentin e Republikes së Shqipërisë, Ilir Meta u shpreh ndër të tjera: “Kënaqësi të mirëpres sot mikun tim Meta. Vizita e Presidentit të Shqipërisë në Mal te Zi, vërtetim i marrëdhënieve të shkëlqyera mes dy vendeve tona dhe një impuls i ri që këto marrëdhënie të forcohen më tej”.
Nga ana e tij Presidenti i Shqipërisë Ilir Meta është shprehur se shqiptarët në Malin e Zi janë faktor klyç për pavarësinë, integrimin, stabilitetin dhe presperitetin e këtij shteti.
“Shqiptaret janë faktor kyç për Pavarësinë, stabilitetin, prosperitetin e Malit te Zi por edhe për forcimin e mëtejshëm të marrëdhënieve të fqinjësisë së mirë midis dy vendeve tona. Shqiptarët duhet të kenë një përfaqësim më të madh në administratën malazeze”, – është shprehur ndër të tjera Meta në takimin me homologun Gjukanoviç.
