Ditët e izolimit që po kalojmë janë të vështira për çdokënd, pasi është pezulluar çdo aktivitet i përditshëm. Fëmijët janë gjithashtu kategoria e cila e ka të vështirë t’i përballojë ato. Por mjafton të jemi pak kreativë, dhe këtë periudhë të vështirë mund ta kalojmë më lehtë. Një ide origjinale e ka dhënë një baba, i quajtur Gentjan Lekaj, nga Ornago, një qytet afër Milanos dhe i martuar me një infermiere.
Për të argëtuar fëmijët e kompleksit të banimit, ku ai jeton, ai vendosi të vishej si një klloun dhe të zbriste në oborrin e godinës për të mbajtur një shfaqje të vogël. Ai u shpreh: Për fëmijët e mbyllur në shtëpi, dita nuk duket se do të marrë fund. Unë jam punëtor, por vendosa të improvizoj për t’i bërë fëmijët të qeshin. Unë mendoj se do ia dal.
