Tenderi i dhënë së fundi nga Agjencia Kombëtare e Shoqërisë së Informacionit (AKSHI), përbën në vetvete një rast të pastër korrupsioni. Në qëndër të këtij skandali qëndron bashkimi i operatorëve ekonomik ‘Iva Elektronik’ dhe ‘Image & communications Development’ të cilët kanë arritur të sigurojnë tenderin me vlerë 1 miliardë lekë nga ky institucion.
Ky tender konsiston në krijimin e një sistemi monitorimi të inspektorëve tatimor ku sipas informacioneve të FaxNews rezulton se është në fakt ekzistues, dhe i ndërtuar që prej vitit 2013. Por kjo është vetëm pikënisja e kësaj afere korruptive që tashmë duhet të ishte për t’u hetuar në tryezën e SPAK. Pika e dytë e cila e bën dhe më të rëndë këtë rast flagrant korrupsioni është zhvillimi i tenderit fiktiv, ku në garën e parapërcaktuar kanë marrë pjesë vetëm dy kompani.
Kompania e parë Integrated Security Solution nuk ka paraqitur ofertë ekonomike, ndërsa kompania e dytë, bashkimi i operatorëve ekonomik ‘Iva Elektronik’ dhe ‘Image & communications Development’, ka paraqitur ofertën afër fondit limit prej 1 miliardë lekë. Qartësisht, fituesi është paracaktuar, sepse nga 2 kompanitë që kanë marrë pjesë, vetëm njëra prej tyre ka paraqitur ofertë. FaxNews ka arritur të sigurojë në mënyrë kronologjike rritjen e dyshimtë ekonomike të kompanisë ‘Image & communications Development’ që prej vitit 2010 kur kjo kompani është krijuar.
Zyrtarisht kjo kompani rezulton në pronësi të shtetasit Igli Gjelishti i cili është dhe zotëruesi i 100% të aksioneve. Sipas burimeve të siguruara nga FaxNews pas emrit të Gjelishtit fshihet një oligark mediatik shumë afër qeverisë Rama. Ky rast korruptiv është atakuar gjithashtu edhe nga opozita, e cila ka denoncuar në mënyrë të vazhdueshme aferat e këtij oligarku mediatik, i cili për shkak të shërbimeve që i bën qeverisë përfiton tendera të majme nga fondet publike.
Deri në vitin 2014 kompania ‘Image & communications Development’ nuk ka dorëzuar asnjë bilanc në tatime, çka e bën atë inekzistente në treg. Bilanci i parë është dorëzuar në vitin 2014 dhe është bilanci i punës së kompanisë për vitin 2013. Në janar të vitit 2015 kjo kompani ka dorëzua bilancet e vitit 2011 dhe në shkurt të vitit 2015 ka dorëzuar bilancet e vitit 2012.
IMAGE & COMMUNICATIONS DEVELOPMENT:
Admin & Aksioner 100%: Igli Gjelishti; Kompani e krijuar: 11 Mars 2010
Deri ne 2014 nuk ka dorezuar asnje Bilanc.
Ne Korrik 2014 ka dorezuar Bilanc 2013; Ne Janar 2015 ka dorezuar Bilanc 2011
Ne shkurt 2015 ka dorezuar Bilanc 2012
Ne 2014 ka rritur te ardhurat me ~100K EUR krahasimisht me 1 vit me pare, duke deklaruar dhe 0 Fitim, nga humbje qe ka patur ne vitet e meparshme.
2015 te ardhurat kane qene 406K EUR
2016- 623K EUR
2017- 414K EUR
2018- 2 Mio EUR
2019- 1.7 Mio EUR
Ne 3 vitet e fundit Fondi I pagave ka qene:
2017- 211K EUR
2018- 264K EUR
2019- 240K EURNe 2016 ka rritur kapital nga 100.000 ne 9.600.000 All.
Rritja e parë galopante e kompanisë ndodh në vitin 2014 ku të ardhurat e saj rriten në mënyrë të menjëhershme me 100 000 euro krahasimisht me një vit më parë, por duke deklaruar 0 fitim për shkak të humbjeve që ka patur nga vitet e mëparshme. Nga hiçi kompania merr një hov të jashtëzakonshëm duke qënë fituese dhe e tenderva të UKT për ndërtimin e sistemit të biletarive me vlera përkatësisht 12 498 495 lekë dhe 13 775 500 lekë.
Nga viti 2015 deri në vitin 2019 rritja e kompanisë nuk ka të ndalur dhe pëson një rritje galopante jashtë logjikës ekonomike duke u bazuar vetëm në marrjen e tenderave publikë. Të ardhurat e ‘Image & communications Development’ për vitet 2015-2019 janë si më poshtë: 2015 deklaron 406 000 euro të ardhura; 2016- 623 000 euro; 2017- 414 000 euro; 2018- 2 milionë euro dhe 2019- 1.7 milionë euro.
FaxNews do vijojë investigimin e kësaj afere korruptive që lidh institucionin e AKSHI me kompaninë e dyshimtë ‘Image & communications Development’, e cila ka siguruar tenderin pa garë duke dëmtuar buxhetin e shtetit dhe zhvatjen e taksave të qytetarëve shqiptarë.
