Një 26-vjeçar është gjetur pa shenja jete në breg të detit në qytetin e Durrësit. Trupi i pa jetë është gjetur rreth orës 16:45 në lagjen numër 1 të qytetit.
Nga hetimet paraprake dyshohet se 26-vjeçari ka ndërruar jetë si pasojë e një arresti kardiak. Pritet një hetim më i thelluar për të zbardhur rrethanat dhe shkaqet e sakta të vdekjes.
Durrës/Informacion paraprak
Rreth orës 16:45, në lagjen nr. 1, Durrës, në breg të detit, është gjetur pa shenja jete dhe pa shenja dhune, shtetasi E. Xh., 26 vjeç, banues në Durrës.
Paraprakisht dyshohet se ky shtetas ka ndërruar jetë për shkak të arrestit kardiak.
Grup hetimor ndodhet në vendngjarje dhe po punon për sqarimin e rrethanave të ngjarjes
