Një ngjarje e rëndë është regjistruar në fshatin Vaganicë të Mitrovicës. Mësohet se një shtetas i identifikuar me inicialet B.H., 36-vjeç ka rrahur me kabllo të rrymës elektrike dhe me darë të fejuarën e tij 20-vjeçe.
Ngjarja është raportuar në Polici nga 20-vjeçarja, e cila e ka denoncuar të fejuarin e saj B.H., 36-vjeçar në Polici, për presionin dhe dhunën që po ia shkakton.
Shqiptari kishte kohë që dhunonte të fejuarën, ndërsa e sulmonte duke përdorur kabllo të rrymës e dara, me të cilat i ka shkaktuar lëndime trupore. Policia është vënë në veprim dhe ka prangosur burrin e dyshuar, teksa ia ka gjetur edhe një armë të gjuetisë, për të cilën nuk ka pasur leje.
