Nënkryetari i Departamentit të Shëndetësisë në Partinë Demokratike, Gazmend Koduz ka pasqyruar opinionet e tij se pse ka dështuar mjekësia shqiptare në menaxhimin e situatës së koronavirusit. Koduzi thekson se heqja e hallkës së mjekut të familjes çedon gjithë sistemin si ministria e Shëndetësisë i është qasur luftimit të epidemisë. Gjithashtu ai shprehet se nuk mund t’i jepet përmes telefonit të gjithë të infektuarve një mjekim standart pasi mungon vlerësimi i gjendjes së pacientit që bëhet nga mjeku i familjes.
“Menaxhimi i situatës ka dhe një problem tjetër shumë të madh, duke filluar që nga testimi i pacientit. Pika e parë e kontaktit të personit që mendon se ka Covidin nuk duhet të jetë 127. Urgjenca kombëtare është një institucion i krijuar për diçka tjetër, për urgjencat dhe jo për pandeminë. Mjeku i familjes i cili e njeh pacientin nëse e sheh të arsyeshme e kontakton ai 127 ose epidemiologun e zonës për t’i bërë tampomim personit në fjalë.
Tamponi nuk kryhet nëse nuk ke temperaturë, kollë dhe marrje fryme, çka do të thotë që je në stadin e 3-të të sëmundjes, më tepër je afër stacionit të fundit të autobusit sesa stacionit të parë. Personit pozitiv i jepet mjekimi standart në shtëpi pa ditur stadin e sëmundjes. Duhet patjetër që personi të vizitohet nga mjeku i familjes. Vlerësimin e pacientit nuk mund ta bëj 127 dhe nuk mund t’i jepet mjekimi pa u takuar ballë për ballë me mjekun, mjekësia nuk është teleperformancë që mund të kryhet nga telefoni”
