Mjeku Ilir Allkja i cili ndodhet në vijën e parë të frontit përballë COVID-19 tek Urgjenca e QSUT bën një apel për qytetart lidhur me rritjen e rasteve me COVID
Allkja thotë se qytetarët duhet të kujdesen për veten, të vendosin maskë kudo dhe mos vizitojnë miq e të afërm pasi dëmtojnë shëndetin dyfish. Ai shton se distancimi fizik është i rëndësishëm, por distancimi social është i panevojshëm dhe nuk sjell asnjë dobi.
STATUSI NGA ILIR ALLKJA
Duke parë rritjen e përditshme të rasteve me infeksionin e COVID, si mjek në vijën e parē të shpëtimit të jetëve njerëzore ju kërkoj gjithë bashkëatdhetarëve të mij te kujdesen per veten! Shendeti dhe jeta juaj është në radhë të parë përgjegjësi e juaja, mos prisni qeverinë apo të tjerë të mbrojnë jetët tuaja!
Mbani maskë kudo në ambjente publike, madje edhe nëpër ashensorë, mos vizitoni miq e të afërm , pasi mund të dëmtoni shëndetin tuaj dhe të tyren! I rëndësishëm është distancimi fizik, distancimi social (siç porositin disa struktura) është i panevojshëm e nuk sjell asnjë dobi!