Ministrja e Shëndetësisë dhe Mbrojtjes Sociale, Ogerta Manastirliu, në rubrikën e pyetjeve të ngritura nga qytetarët për vendimin e mbajtjes së maskave mbrojtëse në të gjitha ambientet, ka publikuar mesazhin e mjekut infeksionist, Tritan Kalo.
Kalo thekson se përdorimi i maskës bëhet me qëllim shmangien e një izolimi të dytë, që sipas tij shkakton një problematikë madhore.
“Mbyllja e vendit mund të shkaktojë një problematike madhore jo vetëm në aspektin ekonomik, por mbi të gjitha në aspektin social e psikologjik. Për të mbyllur është kollaj. Problem është për të mbyllur mundësinë e përhapjes së infeksionit në popullatë dhe një nga këto mënyra për të mbyllur ose për të pakësuar rrezikun e infeksionit është pikërisht mbyllja e hyrjes së mikroorganizmave që quhet sars covid 1, në rrugët tona në rrugët tona të sipërme respiratore dhe mbajtja e një maske për të pakësuar sasinë e depërtimit të virusit në organizmin tonë por edhe mundësinë e largimit të transmetimit të këtij virusi, nëpërmjet këtij filtri që quhet mbulesë e fytyrës”, ka thënë Kalo.
“Është më kollaj të parandalosh sesa të mjekosh. Mbi të gjitha nëse duam të mbrohemi nuk duhet të mbulojmë mjekrën me maskë por dy vrimat hyrëse të ajrit siç është hunda dhe goja”, ka përfunduar mjeku infeksionist.
