Aktiviteti fizik ndihmon në parandalimin e paaftësisë fizike tek njerëzit që kanë probleme me nyjet. Sipas ekspertëve të Shëndetësisë, personat me dhimbje të ekstremiteteve të poshtme duhet që të ushtrojnë aktivitet fizik së paku një orë, në mënyrë që të parandalohet zhvillimi i këtyre simptomave.
Artriti është sëmundje e shkaktuar nga inflamacioni i nyjave (vendi ku bashkohen eshtrat). Njerëzit që fillojnë të përjetojnë dhimbje të trupit dhe dobësim të gjymtyrëve mund të jenë duke përjetuar simptomat e hershme të tij. Kjo sëmundje prek zakonisht njerëzit më të moshuar, për arsye se kartilogjeni, masa që i mbulon eshtrat dhe nyjet gradualisht humbet dhe kështu fërkimi i eshtrave pa këtë masë shkakton dhimbje. Ekspertët e Shëndetësisë thonë se njerëzit duhet të ushtrohen së paku 150 minuta gjatë një jave.
