Jeta private e Wanda Nara dhe Mauro Icardit është padyshim telenovela e momentit, nga e cila detaje të reja kanë dalë në dritë. Modelja argjentinase Eugenia Suarez, e njohur ndryshe si China, më në fund ka thyer heshtjen dhe ka reaguar pas akuzave të Nara-s se partneri e tradhtoi me të.
Sipas “Corriere dello Sport”, China akuzon Icardi-n për mashtrim, pasi ai i kishte thënë se ishte ndarë nga Wanda gjatë kohës që shkonte ta takonte. “Unë nuk e fillova unë e para, inkurajova ose shkaktova këtë situatë. Unë gjithmonë kam besuar se ata janë ndarë”, shkroi ajo fillimisht në Instastory. Eugenia i konfirmoi thashethemet, por tha se nuk do të bëhej shkak për prishjen e një familjeje.
“Koston e prishjes së imazhit të një familjeje të lumtur e paguaj vetëm unë, jo njeriu që gaboi. Duket se është më e besueshme për këtë shoqëri, duke e ditur se si sillen gjithmonë, që të besojë se unë jam shkaktarja, ajo që mashtron dhe jo viktima.
Unë e bëj për veten time dhe për gratë e tjera që janë përdorur gjithmonë dhe që janë gjykuar. Unë jam një grua që nuk kam më frikë të kërkoj të drejtat për të jetuar pa paragjykime”,- përfundoi ajo.
“Telenovela” Wanda Nara dhe Mauro Icardi, nisi kur modelja akuzoi publikisht ish-futbollistin e Interit për tradhti me shoqen e saj, duke bërë një postim në rrjetet sociale ku shkruante se ‘’Ikardi shkatërroi familjen për një k****’’. Më vonë u raportua se ajo kishte paguar një detektiv privat për të përgjuar sulmuesin e PSG-së, madje i hakeroi edhe telefonin për t’i zbuluar se me kë fliste.
Nga hakerimi i telefonit të Ikardit, është zbuluar një bisedë mes sulmuesit dhe aktores Kina Suarez. Sipas medias argjentinase, aktorja i shkruante sulmuesit në “Telegram” për t’u takuar në një vend që nuk e njihte askush, në një diskotekë. Por një status i sulmuesit të PSG, ka lënë të nënkuptohet se biondja seksi i ka dhënë edhe një shans marrëdhënies së tyre, pas lajmeve se kishte kërkuar divorcin.
Ai postoi disa foto krah bashkëshortes së tij dhe shkroi: “Faleminderit dashuria ime që vazhdon të besosh në këtë familje të bukur, faleminderit që je motori i jetës sonë. Të dua. Dhemb shumë kur lëndon të dashurit e tu. T’i shërohesh vetëm kur falesh nga personi që ke lënduar.”Në postim ka etiketuar edhe Wanda Narën, e cila është njëkohësisht agjentja e tij, ndërsa nuk dihet nëse fotot janë aktuale.
