Ministri i Shtetit për Diasporën z.Pandeli Majko mori pjesë sot në ceremoninë festive të 28 Nnëtorit në komunitetin arbëresh në qytetin Maschito, në Itali. Gjatë kësaj vizite Ministri është shoqëruar nge kreu i bashkisë së Maschitos, Rossana Musacchio Adorisio.
Programi i veçantë i përgatitur për këtë eveniment përmbante këngë dhe interpretime të ndryshme të komunitetit arbëresh. Ministri i Shtetit për Diaporën në fjalën e tij përshëndtetëse theksoi edhe një herë rëndësinë e të qenit të bashkuar nëpërmjet gjuhës dhe traditave shqiptare.
“Jemi shumë, të shpërndarë nëpër botë, kudo, në Australi, Amerikë, Alaskë, Ukrahinë, etj dhe është shumë e rëndësishme që të vazhdojmë ti mësojmë brezit të ri gjuhën shqipe, kulturën dhe traditat e vendit tonë” – tha Ministri.
Ndërsa kryebashkiakja e Maschitos theksoi edhe një herë krenarinë e këtij komunitetit për origjinën e tij shqiptare dhe lidhjen e fortë që ruajnë me figurën Gjergj Kastriot Skënderbeut. Aktiviteti më i rëndësishëm i kësaj vizite ishte inaugurimi i bustit të “Gjergj Kastriot Skënderbeut”, krijim i skulptorit shqiptar Vladimir Llakaj dhuruar komunitetit të Maschitos nga Ministri i Shtetit për Diasporën.
Busti i vendosur në sheshin “ San Francesco” do të jetë gjithmonë një shenjë krenarie për prejardhjen e këtij komunitetit.
