Atletico Madrid fitoi me rezultatin e pastër 2-0 në stadiumin “Wanda Metropolitana” kundër Athletic Bilbao.
Heroi absolut për ekipin e Simeones në këtë sfidë ishte padyshim portieri, Jan Oblak. Diego Simeone nuk i kurseu elozhet për Sllovenin pas ndeshjes, duke u shprehur se Oblak është portieri më i mirë në botë dhe po rritet nga viti në vit. Të njëjtin mendim me trajnerin e Atletikos ndan edhe sulmuesi Alvaro Morata.
“Pa dyshim që Oblak është portieri më i mirë në botë. Jan e tregon çdo ditë që është numri një dhe shpresoj që meritat t’i njihen sa më shpejt”, theksoi spanjolli.
Oblak nuk u përfshi në 30 kandidatët për fitimin e “Topit të Artë” të këtij viti. Vendimi i France Football nuk është pritur mirë në kampin madrilen. Ndërkohë, Joao Felix është në garë për trofeun më të lakmuar në aspektin persoanl për çdo futbollsit në glob.
