Gjatë mbrëmjes së djeshme u regjistruan të shtëna me armë zjarri në lagjen “Perash” të Shkodrës. I Plagosur i ngjarjes mbeti 28-vjeçari, Edis Reçaj i cili shkoi vetë në spitalin e qytetit. I riu mori një plumb në gjurin e djathtë, ndërsa jeta e tij ndodhet jashtë rrezikut për jetën.
Pas ngjarjes policia ka nisur hetimet, ndërsa ka arritur të identifikojë autorin e plagosjes së 28-vjeçarit. Për shkak të hetimeve në zhvillim e sipër identiteti i autorit që dyshohet se ka plagosur të riun shkodran nuk është bërë ende publike. Ajo që mësohet është se i plagosuri dhe autori kanë qenë së bashku në të njëjtin automjet, teksa pas identifikimit nga ana e policisë autori është shpallur në kërkim.
Edis Reçaj shkoi i plagosur mbrëmjen e djeshme në spitalin e Shkodrës, ndërkohë që kishte marrë një plumb në gjurin e djathtë. Arsyeja e plagosjes mbetet mister, pasi fakti që ata kanë qenë bashkë në një makinë tregon se ata njiheshin prej kohësh.
