Një deputet nga partia qeverisëse e Japonisë është arrestuar me dyshimin se mori 34.000 dollarë ryshfet nga një operator i lojërave të fatit. Si anëtar i kabinetit të Kryeministrit Shinzo Abe deri në tetor, deputeti Tsukasa Akimoto mbikëqyri planin e qeverisë për hapjen e kazinove.
Ai i mohon akuzat duke thënë se nuk mori kurrë ryshfet. Por arrestimi i tij mund të komplikojë politikën e diskutueshme për kazinotë të kryeministrit Abe. Akimoto është akuzuar se mori para nga tre punonjës në një kazinoje që i kërkuan ndihmë për gjetjen e një ambienti për zhvillimin e aktivitetit.
Gjithashtu tre punonjësit u arrestuan të mërkurën. Qeveria e konsideron hapjen e kazinove si një mënyrë për të rritur ekonominë e Japonisë. Në vitin 2016, pas shumë viteve debat, parlamenti votoi pro që kazinotë të operojnë brenda ambienteve të hotelerive dhe ku mbahen konferencave. Sidoqoftë, asnjë licencë nuk është lëshuar deri tani.
