Një reagim në mbështetje të presidentit Ilir Meta e ka bërë dhe Ismail Ballist Morina.
Morina është shqiptari që ngriti dronin në stadiumin e Partizanit të Beogradit, gjest që trazoi ujërat mes dy vendeve.
Ai ka reaguar pas vendimit të Presidentit Ilir Meta për mos dekretimin e Gent Cakajt në postin e Ministrit të Jashtëm.
Përmes një komenti në “Facebook”, Morina e ka përshëndetur vendimin e kreut të shtetit, ndërsa shton se numri 1 i shtetit shqiptar mbështet pa rezerva integritetin territorial të Republikës së Kosovës.
“Nuk mund të ishte ndryshe, numri 1 i shtetit shqiptar mbështet fuqishëm dhe pa rezerva integritetin territorial të Republikës së Kosovës. Përgëzimet e mia të sinqerta në lidhje me qëndrimin tuaj rreth qeshtjes në fjalë. Respekte!!”, shkruan ai në koment.
