Motra e Dan Hutrës, i akuzuar për vrasjen e 3 grave dhe plagosjen e 3 të tjerave, disa ditë më parë në Tiranë, ka deklaruar se i vëllai dyshonte për atësinë e fëmijës që priste ish-gruaja.
Ajo tregoi se i vëllai i kishte rrëfyer që nusja kishte mbetur shtatzënë 23 ditë para se të lidheshin, ndërsa po ashtu rrëfeu se Dan Hutra kishte ka kërkuar test ADN gjë që ish-bashketuesja s’ia dha kurrë.
“23 ditë para se të lidheshin ajo ka qenë shtatzënë, ka kërkuar test ADN që ajo s’ia dha kurrë. Nuk ka ushtruar dhunë. Ajo ka thënë më ka dhunuar me fjalë, pse e tërhoqi deklaratën. Bëri 8 muaj burg kot. Mesazhet i keni në telefon, të hapen telefonatat, të saj dhe Danit. Pasi ka dalë nga burgu ka kërkuar ADN e fëmijës. Gjithë lufta është bërë për këtë fëmijë, edhe sot e dua ADN për atë fëmijë. Vetëm kur të dalë testi do dalë e vërteta. E ka provokuar për ta çuar deri në këtë pikë, çfarë nuk i thoshte. Nuk ka ia ka dhënë atësinë fëmijë, ai ka kërkuar t’i bëhet testi i ADN; nëse fëmija do të ishte i tij do merrte atësinë”, tha motra e Hutrës.
Ndër të tjera motra e Dan Hutrës, ka rrëfyer edhe për vrasjen e katërt që i vëllai kishte planifikuar të kryente, por që Hutra nuk e realizoi pasi u arrestua nga policia.
“Kjo është se personi që ka vrarë babën, ka marrë pushkën tek ky që donte të vriste Dani. Dani ka dashur të hakmerret. Rrahmen Seli është ky, ky që i ka dhënë pushkën për të futur dhe për të vrarë babën. Ka qenë i fiksuar për të marrë hakun e babës. Këtë që ka vrarë babanë e kemi njeri të afërt dhe Dani është betuar që do merrte hakun e Rrahman Selës”, tregoi ajo.
Ishte mesdita e 1 marsit, kur 40-vjeçari Dan Hutra shkaktoi një tragjedi në familjen Hysa duke vrarë me armë zjarri motrën dhe kunatën e ish-bashkëjetueses, ndërsa plagosi këtë të fundit dhe nënën e saj.
Fill pas kësaj ngjarjeje Hutra shkoi në Kamëz, ku ekzekutoi në oborrin e banesës 31-vjeçaren Etleva Kurti, motrën e Vladimir Kurtit. Kurti është i dënuar me burgim të përjetshëm për vrasjen e Agim Bucit./Opinion.al
