Sopranoja shqiptare mahnit Barcelonën Emri i saj është i njohur në mbarë botën falë zërit magjik që ka. Ermonela Jaho për të disatën herë ka emocionuar një publik të tërë me interpretimin e saj.
Në rolin e skllaves Liu në veprën “Turandot” e Giacomo Puccini, më shumë se 2 mijë persona, të pranishëm në teatrin e Barcelonës, kanë duartrokitur për 9 minuta rresht performancën e sopranos shqiptare.
“Një përbindësh në skenë”, kështu e kanë cilësuar mediat e huaja Jahon. Shumë prej tyre si ‘El Espanol’, ‘El Pais’, shkruajnë të njëjtën gjë. Se vetëm Ermonela Jaho ka aftësinë dhe personalitetin për të prekur me anë të këndimit çdo person të pranishëm në sallë. “Ajo që përbën një hap gjigant në evolucionin e të kënduarit është mrekullia e quajtur Ermonela Jaho. Sopranoja shqiptare impresionoi publikun sapo këndoi pianissimo-n e saj të parë”, shkruan “El Pais”.
E kthyer padyshim në një ikonë të artit botëror, soprano shqiptare me interpretim të saj në skenat më të mëdha vërteton edhe njëherë më shumë se është unike në atë çfarë përcjell. Klan Plus
