Zbardhet dëshmia e prokurorit Arjan Ndoja. Nga spitali Rajonal i Durrësit ku u transportua pas plagosjes, ai është shprehur në dëshminë e parë pas atentatit se pak para se ti bënin prite, ka qene duke drekuar.
“Kam qenë duke drekuar në një restorant në zonën e plazhit Shkova i vetëm atje. Erdhi Muharremi e u ulën. Qenduam rreth dy orë. Më pas u nisëm drejt Tiranës me makinën time”, mësohet të jetë shprehur Ndoja.
“Unë isha ulur në vendin e parë, ndërsa Maloku në drejtim të makinës. Muharreni pas. Nuk pikasëm ndonjë gjë të dyshimtë deri në momentin që jam qëlluar. Gjithçka ndodhi shumë shpejt”, është shprehur ai.
Prokurori mohon të ketë qenë ai shënjestër e atentatit. “Nëse do më adresoheshim mua plumbat s’do më adresoheshin në autostradë, mund të më vrisnin kudo”, është shprehur.
Hetuesit e kanë pasur të pamundur të marrin dëshmitë e dy të plagosurve të tjerë për shkak të gjendjes shëndetësore. Andi Maloku, shoferi i prokurorit, ndodhet në gjendje të rëndë në spitalin e Traumës në Tiranë. Ndërsa Landi Muharremi nuk mund të flasë për shkak të një plumbi që e ka prekur në nofull.
