Tërmeti i fuqishëm i orëve të mëngjesit të së martës, la 29 persona të vdekur dhe mbi 650 persona të plagosur.
Përveç pallateve, hoteleve dhe shtëpive të shembura, shumë të tjera janë kthyer në të pabanueshme. Në një postim në Facebook, gazetari Bashkim Hoxha ka publikuar foto nga zyra e tij, ku duket se muret kanë pësuar dëme të shumta.
“Mirëmëngjesi, muret e zyrës time”, shkruan në postim Hoxha.
Durrësi dhe Thumana janë dy qytetet më të prekura nga tërmeti, ndërkohë vijon operacioni kërkim-shpëtimi për personat e mbetur nën rrënoja.
