Kreu i qeverisë Edi Rama ka falenderuar SHBA-në dhe NATO-n për ndihmën e dhënë me 60 respiratorë, për spitalet Covid në vendin tonë, të cilat janë marrë në dorëzim gjatë ditës së sotme. Rama tha se NATO e veçanërisht SHBA kanë qenë një ndihmë e pashlyeshme ndaj Shqipërisë, edhe në momente të tilla, të vështira për vendet e tyre.
“Jo më kot një fjalë e urtë e jona thotë që miqtë e mirë duken në ditë të vështira, jemi në një moment ku bota është duke u përballur me një përshkallëzim të së keqes. U jam shumë mirënjohës SHBA-ve që dhe në këtë rast janë treguar të vëmendshme ndaj Shqipërisë”, u shpreh Rama. Kreu i qeverisë tha se dimri që vjen do të jetë një nga më të vështirët, ku pritet të ketë rritje të rasteve Covid, dhe 60 respiratorët do të jenë një ndihmë e madhe për spitalet Covid. Vijon…
