Historiani, filologu dhe përkthyesi i njohur shqiptar, Jorgji Qirjako është ndarë sot nga jeta në moshën 70-vjeçare në Londër. Ai ka përkthyer rreth 70 vepra, teksa në shkurt të këtij viti u dekorua dhe me titullin ”Mjeshtër i Madh” nga Presidenti Ilir Meta.
Qirjako ka shërbyer si Drejtor i Shtëpisë së Kulturës në Kolonjë si dhe Muzeut në qytetin juglindor dhe së fundmi zv/drejtor i Institutit të Marrëdhënieve ndërkombëtare. Historiani dhe filologu ka nxitur dhe mbështetur shumë artistë të shquar në vend teksa ka kontribut të veçantë në evidentimin e traditave patriotike të klturës popullore, figurave kombëtare etj.
