Një automjet luksoz tip “Ferrari” është ndaluar mbrëmjen e kaluar teksa policia vijonte kontrollet me radar e dragera për të ndëshkuar shkelësit e rregullave. Automjeti që drejtohej nga një 46-vjecar u ndalua në aksin Liqeni i Thatë-Astir pasi po kryente manovra të rrezikshme dhe u konstatuar që targat i përkisnin një automjeti tjetër.
Ndërkohë në zonën Sauk- Astir dhe Tiranë- Durrës, 18 drejtuesve mjetesh iu pezullua leja e drejtimit për shpejtësi mbi normat e lejuara nga 146 km/h deri në 159 km/h. Në Teg- Astir dhe përsëri në Tiranë- Durrës iu pezullua leja e drejtimit 28 drejtuesve po për shpejtësi mbi normat e lejuara kurse 7 drejtuesve për manovra të rrezikshme. Edhe brenda në Tiranë janë ndëshkuar 15 shoferë me pezullim leje drejtimi pasi ishin nën efektin e alkoolit.
Njoftimi i plotë: Policia Rrugore në kuadër të masave për parandalimin e aksidenteve dhe rritjen e parametrave të sigurisë rrugore në fundjavë vijon kontrollet me Radar në akset dhe segmentet rrugore ku shpesh abuzohet me shpejtësinë e në disa raste bëjnë edhe gara shpejtësie. Pavarësisht kontrolleve të shtuara nga Policia Rrugore e kryeqytetit përsëri janë evidentuar shumë drejtues mjetesh që abuzojnë me shpejtësinë dhe alkoolin në timon.
Gjatë 5 orëve të fundit në segmentin rrugor Sauk-Astir dhe rrugën interurbane Tiranë-Durrës -Tiranë, janë konstatuar nga radari 18 drejtues mjetesh të cilët qarkullonin me shpejtësi mbi normat e lejuara, shpejtësi që varionte nga 146 km/h- 159 km/h në rrugën interurbane Durrës – Tiranë Këtyre drejtuesve Policia Rrugore u pezulloi Lejen e Drejtimit. Po gjatë oreve të fundit në unazën e madhe në segmentin Liqeni i Thatë-Astir, është evidentuar nga patrullat e Policisë Rrugore një 46 vjeçar që drejtonte një automjet luksoz “Ferrari” i cili kryente manovra të rrezikshme në rrugë. Pas ndjekjes nga patrullat e Policisë Rrugore është bërë e mundur kapja dhe bllokimi i automjetit. Nga verifikimi paraprak i dokumentacionit rezultoi se targat e mjetit luksoz i përkisnin një automjeti tjetër. Gjithashtu në segmentin rrugor Teg -Astir dhe rrugën interurbane Tiranë-Durrës-Tiranë, u evidentuan dhe u ndëshkuan 28 drejtues mjetesh për shpejtësi mbi normat e lejuara por pa masë plotësuese atë të pezullimit të lejes së drejtimit si dhe 7 drejtues mjetesh për manovra të rrezikshme në rrugë. Kontrollet kanë vijuar edhe në rrugët e brendshme të kryeqytetit duke përdorur dragera, ku në këtë hark kohor janë pezulluar 15 Leje Drejtimi për drejtim mjeti nën efektin e alkoolit. Shpejtësisë dhe se të rrezikojnë jetën. Respekto rregullat e qarkullimit për të shkuar i sigurt në destinacion .
