Presidenti i Republikës Ilir Meta ka shprehur ngushëllimet e tij pas vdekjes në moshën 83- vjeçare të ish-ministrit të Jashtëm të Sllovakisë dhe deputetit të Parlamentit Evropian Eduard Kukan. Në një postim në faqen e tij në facebook, Meta shkruan se ai ishte, “promotor i demokratizimit të plotë të vendit tonë”.
Postimi i plotë: I pikëlluar nga humbja e një miku të dashur dhe avokati të palodhur të integrimit europian të Shqipërisë dhe Ballkanit Perëndimor. Promotor i demokratizimit të plotë të vendit tonë, kontributi i Tij për forcimin e miqësisë midis dy vendeve tona dhe mbështetja për integrimin europian do të mbetet i paharruar. Ngushëllime familjes dhe kolegëve!
