“Ndërtimi i HEC-eve në kanionin i Holtës do të bllokohet”. Kjo ka qenë garancia që ka dhënë sot nga Kryesia e Kuvendit të Shqipërisë, kryetari i grupit parlamentar të PS-së, Taulant Balla.
Ai u shpreh se 6 deputetë socialistë të qarkut Elbasan i kanë dërguar një kërkesë kryeministrit Rama për të pezulluar çdo ndërtim në në kanionin e Holtës në Gramsh, e konsideruar si një nga zonat më të bukura dhe një atraksion i veçantë turistik.
“Së bashku me 6 deputetët e tjerë të PS-së në Elbasan kemi marrë detyrat parlamentare për të kaluar shqetësimet në këtë komunitet nga të gjithë banorët e Bashkisë së Gramshit.
Kërkesa jonë do të merret në shqyrtim dhe të jeni të sigurtë që kryeministri Rama dhe ministrja Balluku do të marrin të gjitha vendimet për të pezulluar dhe më pas bllokuar çdo lloj ndërtimit që prish, dëmton një aset natyror dhe një atraksion të rëndësishëm turistik për një bashki si e Gramshit, që ka dy bukuri natyrore si Holta dhe Ujëvara e Sotirës”.
