Një hetim i nisur për ndërtimet pa leje në zonën e Patokut por edhe abuzimet me gërryerjen e shtratit të Lumit Mat dhe marrjes së inerteve në mënyrë të paligjshëm ka vënë në pranga drejtorin e IMT në Kurbin si dhe ka çuar në pezullimin e të gjithë inspektorëve.

Hetimet u kryen nga prokurori Sabri Kastrati, ku dyshohet se drejtori i IMT Kurbin dhe inspektorët akuzohen për shpërdorim detyre pasi nuk kanë vepruar duke lejuar ndërtimet pa leje.

Gjithashtu masa “arrest shtëpie” është dhënë edhe për drejtorin e postës, Flor Gjini, i cili më herët ka mbajtur postin e ish drejtorit të IKMT-së Lezhë.

Nuk dihen ende detaje te tjera nga operacioni, ndërsa vijojnë hetimet për zbardhjen e abuzimeve të bëra në Inspektoratin Vendor të Mbrojtjes së Territorit në Bashkinë e Kurbinit.