Rreth 213 865 familje janë trajtuar me ndihma ushqimore në të gjithë vendin që prej fillimit të pandemisë deri në fund të prillit. Kështu deklaroi në një prononcim televiziv drejtori i Emergjencave Civile, Haki Çako.
“Janë 213 865 familje të cilat janë trajtuar me ndihmë ushqimore deri në datën 29 prill. Janë mbi 48 645 familje të cilave iu është shërbyer në ndihmë”, theksoi tregon Çako. Sipas tij, prioritet për Emergjencat Civile kanë qenë familjet e prekura nga tërmeti, që jetojnë aktualisht në çadra, në kontejnerë apo me bonusin e qirasë.
Në të gjithë vendin vijon operacioni humanitar, duke shpërndarë ushqime për familjet në nevojë dhe pensionistët të vetmuar. Ndihmat nuk janë vetëm Rezervat e Shtetit që u vijnë në ndihmë qytetarëve shqiptarë, por janë të gjitha bashkitë, që kanë alokuar fonde për mbrojtjen e civile.
