Dy shqiptarë u aksidentuan në Itali ndërsa po i jepnin makinës në ritmet e këngës së Bes Kallakut dhe po xhironin gjithçka live në llogaritë e tyre në Instagram. Sipas burimeve policore njëri prej pasagjerëve po filmonte udhëtimin nga Montecalvoli në Ponticelli me celularin e tij, ndërkohë po ju përgjigjej dhe komenteve nga miqtë dhe të njohurit.
Muzika e lartë dhe rruga e lagësht për shkak të shiut bëri që të dy të përfundonin në një dyqan që shet bukë. Makina u ndalua nga një kangjellë që mbron trotuarin dhe një mur që u shkatërrua tërësisht. Të dy shqiptarët u transportuan të plagosur lehtë për në spital. Karabinierët e stacionit Santa Maria a Monte po kryejnë hetime për të verifikuar nëse janë kryer shkelje të kodit të autostradës. Të dy, jetojnë në komunën e Santa Maria a Monte dhe nuk kanë asnjë precedent. Mediat italiane kane postuar dhe videon nga momenti i aksidentit
