Për të gjashtin vit radhazi, Drejtoria Rajonale e Trashëgimisë Kulturore Vlorë, në koordinim me Drejtorinë e Arsimit, organizoi Festivalin Folklorik Rajonal “Gurra Folk Fest”, një garë folku midis Shkollave të Mesme të Qarkut të Vlorës. Fal edhe bashkëpunimit me Qendrën Kulturore të Bashkisë Vlorë, u mundësua që, rreth 300 nxënës, të ngjiteshin në skenën e mrekulleshme “Labëria”, veshur me kostume popullore shumëngjyrëshe, si dhe duke dhuruar performancë të lartë artistike, të cilët përcollën emocione të ralla për publikun.
Pjesëmarrës në këtë finale të edicionit të VI, të festivalit “Gurra Folk Fest”, ishin shkollat:
– “Jani Minga”, Vlorë;
– “Qemal Ataturku”, Vlorë;
– “Ali Asllani”, Kotë;
– “Mynyr Xhindi” Vllahinë
– “Bido Sejko”, Konispol;
– “Lefter Talo”, Livadhia;
– “Sulejman Delvina”, Delvinë;
– “Hasan Tahsini”, Sarandë;
– “Dea-2001″, Sarandë;
– “Antonio Athanas”, Sarandë
Ku, prej jurisë së festivalit, për të gjitha shkollat u shpërndanë “Çertifikata mirënjohje” për pjesëmarrjen, si dhe u përcaktuan çmimet si më poshtë:
- Çmimi i Parë
- a) Shkolla “Antoni Athanas”, Sarandë
- Çmimi i Dytë
- a) Shkolla “Sulejman Delvina”, Delvinë
- b) Shkolla “Bido Sejko”, Konispol
- Çmimi i Tretë
- a) Shkolla “Jani Minga”, Vlorë
- b) Shkolla “Mynyr Xhindi”, Vllahinë- Selenicë
- c) Shkolla “Hasan Tahsini”, Sarandë
Një falenderim i veçantë, për drejtuesit / mësuesit dhe nxënësit e të gjitha shkollave, për angazhimin serioz, si dhe punën e kryer, për të sjellë një performancë dinjitoze ne skenë, plot emocione dhe entuziazëm Drejtoria Rajonale e Trashëgimisë Kulturore Vlorë, tregoi edhe këtë vit, se njohja, interpretimi, përcjellja dhe ruajtja nga të rinjtë, e trashëgimisë kulturore materiale dhe jo materiale, është misioni që buron nga pasuria e vyer shpirtërore Shqiptare, e cila vjen nga brezat dhe përcillet ndër breza Rishihemi, Edicionin e VII
