Mallakastër- Ka përfunduar në spital edhe zjarrfikësi që nxori dy personat nga pusi në fshatin Lofkënd. Pas njoftimit se në pus kishin rënë dy persona, drejt vendngjarjes u nisën zjarrfikësit, policia dhe autoambulanca.
Zjarrfikësit bënë të mundur nxjerrjen e Besnik Veliaj 38 vjeç dhe Bledar Bregu 33 vjeç. Ata u transportuan për në spital, por fatkeqësisht 38-vjeçari Besnik Veliaj ndërroi jetë, ndërsa shoku i tij është ende në situatë kritike.
Në pus u fut zjarrfikësi A.Z. 44 vjeç. Ai mundësoi nxjerrjen e tyre. Por duket se edhe pësoi asfiksi si dy qytetarët e tjerë dhe u shtrua në spital. Burime spitalore u shprehën për noa.al se ai ndodhet jashtë rrezikut për jetën dhe po i nënshtrohet kontrollit mjekësor.
