Një ditë pas dorëzimit të listave të kandidatëve për zgjedhjet e 25 prillit është tërhequr nga gara deputeti Alket Hyseni. Më herë gjatë konferencës për shtyp kryeministri Edi Rama bëri të ditur se një nga kandidatët e listës së Partisë Socialiste ishte tërhequr.

“Kam dijeni të një rasti, vetëm një kandidati që ishte shumë i bindur që nuk duhet të ishte dhe thoshte që unë do bëj gjithçka, por nuk dua të jem në këtë pozicion.

I thash kush nuk do s’ka problem”, tha Edi Rama, në bashkëbisedimin me mediat ditën e sotme. Alket Hyseni ishte pjesë e listës së kandidatëve të PS në qarkun e Vlorës në vend të 11 ndërkohë që Vlora aktualisht ka 8 deputetë të sigurt.