Nëna e gazetarit Roman Protasevich ka bërë thirrje që ti shpëtojnë djalin. Aktualisht gazetari dhe e dashura e tij Sofia Sapega tani janë në paraburgim. “Unë i bëj thirrje gjithë bashkësisë ndërkombëtare për ta shpëtuar tim bir”, tha nëna e tij Natalia Protasevich. Dy ditë më parë gazetari publikoi video nga paraburgimi, duke theksuar se nuk është ushtruar dhunë mbi të, por kjo nuk është besuar aspak nga prindërit e djalit. Sapega dhe Protasevich u arrestuan të dielën, kur një aeroplan që fluturonte nga Athina në Vilnius, në Lituaninë fqinje, u devijua për të ndaluar në Minsk, kryeqytetin bjellorus.
Kjo ndalesë është gjykuar ashpër nga vendet perëndimore, të cilët kanë marrë masa të rënda për Bjellorusinë. Disa kompani ajrore evropiane kanë thënë se ata nuk do të fluturojnë mbi Bjellorusi, si rezultat i kësaj ngjarje. Sot Sofia u mor në pyetje. Ajo u akuzua për kryerjen e një vepre penale. U zgjodh një masë parandaluese, paraburgimi për një periudhë prej dy muajsh, “i tha avokati i saj, Alexander Filanovich shërbimin rus të BBC të martën.
