Categories Bota, Lajme

Nëna e re nga Suedia vdes pas ndërhyrjes së shumëfishtë estetike në klinikën turke

Një 33-vjeçare nga Suedia ka ndërruar jetë pas ndërhyrjeve estetike në disa pjesë të trupit. Nëna e re dëshironte që me anë të operacioneve të arrinte atë që besonte se ishte “trupi i ëndrrave”.

“The Sun” shkruan se viktima e identifikuar vetëm si Jeanette, kishte arritur që të kontaktonte me familjen pak pasi kreu operacionet. Ajo u kishte thënë se procedura që zgjati tre orë, kishte shkuar “mirë”.Por pasi është kthyer në dhomën e hotelit, Jeanette nisi të ndjente të përziera, dhimbje në këmbë dhe u shtri për t’u rikuperuar.

E reja u shtri të flinte pranë të dashurit, por kur ai u zgjua, e gjeti atë të ftohtë dhe të paaftë të reagonte. Grupet e emergjencës e shpallen atë të vdekur.

Sipas “The Sun”, 33-vjeçarja kishte udhëtuar nga Suedia drejt Turqisë për procedurat, dhe raportohet se ishte zhvendosur në një tjetër klinikë në momentet e fundit.

Të afërmit gjithashtu pretendojnë se ishte lënë të dilte nga spitali vetëm shtatë orë pas procedurës, kur në fakt kishte paguar për 48 orë kujdes pas operacionit.

Familja e saj ka marrë sërish trupin e ndjerës në Suedi. Ajo u varros në fundjavë në Slättåkra pranë Halmstad.

Nga ana tjetër, policia turke është duke hetuar vdekjen e Jeanette por zbulimet e bëra deri tani mbrohen nga konfidencialiteti dhe nuk janë publikuar.

Një i afërm i të ndjerës tha për mediat suedeze: “Ata dyshojnë se kishte bllokim arteriesh, sipas simptomave që kishte kur u kthye në hotel, por ende nuk janë konfirmuar”.

Një i afërm i Jeanette tha se familja ishte përpjekur ta bindte të hiqte dorë nga operacionet.

“Ne shpresojmë që historia e Jeanette të dëgjohet nga të gjitha ato vajza që mendojnë të bëjnë diçka të ngjashme. Edhe pse është e tmerrshme ndoshta me vdekjen e saj Jeanette mund të shpëtojë jetë të tjera”, tha i afërmi./m.j  

Leave a Reply

Your email address will not be published. Required fields are marked *

Lexoni Gjithashtu

Categories Bota

Universiteti Western Balkans ofron 10 bursa për studentët ukrainas

Universiteti Western Balkans ka akorduar 10 bursa të plota studimi për kandidatët ose studentët që…

LEXO ME SHUME
Categories Lajme

E rëndë/ “Nuk ndihem mirë”, shqiptari ndërron jetë në farmaci

“Nuk ndihem mirë”. Fill pasi tha shqetësimin e tij, kolegu e çoi drejt farmacisë më…

LEXO ME SHUME
Categories Lajme

Nga pritja te konferenca Rama-Zelensky, detaje nga Samiti për Ukrainën, që mbahet të mërkurën

Presidenti i Ukrainës, Volodymyr Zelensky pritet të mbërrijë mbrëmjen e sotme në Shqipëri, në kuadër…

LEXO ME SHUME
Categories Lajme

Samiti për Ukrainën dhe Ballkanin Perëndimor, “blindohet” Tirana, bllokohen disa akse rrugore (Njoftimi)

Në datat 28 dhe 29 shkurt, në Tiranë, do të zhvillohet Samiti për Ukrainën dhe…

LEXO ME SHUME
Categories Lajme

EMRI/ Vritet shqiptari në Malin e Zi, pjesë e grupit kriminal, arrestohet autori i dyshuar

Një shtetas shqiptar, ish-pjesëtar i klanit Skaljar, Edmond Mustafa është vrarë mëngjesin e sotëm (27…

LEXO ME SHUME