Mediat kanë zbuluar shtëpinë ku ka ndodhur ngjarja e rëndë në Korçë. Aty ku nëna mendohet se ka mbytur foshnjen e saj të porsalindur duke e hedhur në valixhe.
Fqinja e autores së menduar për ngjarjen në Korçë, ka folur për mediat mëngjesin e sotëm, ku ka thënë se gruaja ishte e sëmurë dhe se nuk kishte qenë në dijeni të shtatëzanisë së saj.
“Ajo është e sëmurë dhe ka probleme mendore. Të them të drejtën nuk e dija se është shtatzanë dhe për këtë ngjarje që ndodhi. Burri i saj shkon e vjen në Greqi.
E moshuara u shpreh se bashkëshorti i gruas shkon dhe vjen nga Greqia dhe se dje ndodhej në shtëpi. Ajo tha se nuk kishte dijeni mbi ngjarjen por që e vërteta do të dalë.
Ngjarja u denoncua sot në polici nga nga shtetasi me incialet K. A. , i cili dëshmoi se kishte gjetur në shtëpinë e tij një fosnje pa jetë dhe se nuk është i tij.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme. Grupi hetimor po punon për sqarimin e rrethanave dhe dokumentimin e plotë të kësaj ngjarjeje.
