Nënshkrimi i kontratës së binjakëzimit, mes Vlorës dhe Bocholtit është i pari i këtij lloji me Shqipërinë, mundësuar nga Shoqata Gjermano-Shqiptare e Bocholtit.
Një nga vendet kyçe të ekonomisë gjermane, siç është Landi i Rinit të Veriut dhe Vestfalisë, përfaqësi e së cilës është Konsullata e Nderit që lehtësoi realizimin e gjithçkaje, është mundësia më e mirë e bashkëpunimit në dobi të zhvillimit të turizmit, biznesit, administratës dhe edukimit.
Realizimi i kontaktit të drejtëpërdrejtë shkurton rrugët për te produkti që duam të arrijmë prandaj, kur delegacioni gjerman të vij në Vlorë, do të kemi gati paketën konkrete të propozimeve përmes të cilave do t’i shërbenim ekonomisë së Vlorës. Sa më i shpejtë të jetë produkti, aq më shpejtë do të shpërndahet dielli i Vlorës edhe në vendet kufitare të gjermanisë që ende nuk e njohin natyrën dhe ushqimin tonë të mrekullueshëm.
