Për shumë njerëz, shikimi ndaj tjetrit teksa përtypet mund të shkaktojë një reagim negativ. Ky lloj “çrregullimi”, edhe pse nuk është deklaruar zyrtarisht si një diagnozë, vetëm disa vite më parë mori emrin ‘Misofonia’. Studimet më të reja zbulojnë se shumë nga njerëzit me misofoni kanë ankth apo janë në faza depresioni. Ekzistojnë pak studime mbi misofoninë, ndërsa ekspertët nuk pajtohen nëse ajo duhet të klasifikohet si çrregullim apo si nëndegë e ndonjë çrregullimi.
Për shkak se mund të kuptohet nga pak njerëz, ata të cilët vuajnë nga misofonia rrëfejnë se sa të dhimshme mund të jenë simptoma e kësaj sëmundje. Phillip Gander nga Universiteti i Iowas, ka publikuar së fundmi studimin që është bërë në këtë universitet, i cili sugjeron që truri i njerëzve me misofoni reagon ndryshe ndaj tingujve të caktuar.
Në studimin e këtij grupi, njerëzit me misofoni e vlerësojnë tingullin e ngrënies dhe të frymëmarrjes si shumë shqetësuese. Duke e dëgjuar këtë tingull, këta njerëz tregojnë shenja të stresit, ritmi i zemrës së tyre rritet dhe pëllëmbët e tyre djersiten më shumë. Në këtë studim nuk është treguar se çfarë shkakton misofonia, por bëhet e ditur se kjo sëmundje shoqërohet me disa pjesë të trurit dhe lidhjet e tyre ndërmjet vete.
