TIRANË, 18 dhjetor/ATSH/ Nga 1 janari qytetarët do të mund të rivlerësojnë pasuritë e paluajtshme sipas vlerës së tregut duke paguar një tatim më të ulët prej vetëm 2%. Kuvendi pritet të miratojë sot në seancë plenare p/ligjin “Për rivlerësimin e pasurisë së paluajtshme”, sipas të cilit tatimi llogaritet jo më 15 % që është aktualisht, por 2%.
Synimi i këtij projektligji është rivlerësimi i pasurisë të paluajtshme i gjithë individëve, deri në datën 30 qershor 2020. Ky projektligj ka per qellim realizimin brenda një kohe të shkurtër dhe me kosto mjaft te ulet per individët, të rivlerësimit të pasurisë se paluajtshme te tyre, dhe nxitjen e tregut te pasurive te paluajtshme.
Nisur edhe nga përvoja ndër vite, rivlerësimi i pasurisë së paluajtshme ka përbërë një ndër aktet ligjore më me interes për qytetarët, duke sjellë një rritje të konsiderueshme të këtyre rivlerësimeve, shoqëruar edhe me regjistrime të shumë transaksioneve pranë Agjencisë Shtetërore të Kadastrës. Ky projektligj vlerësohet të ketë 6 miliard leke efekte financiare bruto në të ardhurat e buxhetit të shtetit për vitin buxhetor 2020. Vlerësohet që procesit të rivlerësimit ti nënshtrohen rreth 50 mijë banesa./a.gjonaj/j.p/
