/ATSH/ Nga muaji dhjetor në faturën e ujit do të përfshihet edhe pagesa për taksën e ndërtesës, pas fushatës ndërgjegjësuese për kryerjen e procesit të vetëdeklarimit.
Specialistët e Ujësjellës-Kanalizime bëjnë të ditur se deri tani janë rreth 90 mijë abonentë familjarë që e kanë kryer vetëdeklarimin në pikat e UKT-së.
Ndërsa për ata qytetarë që nuk e kanë kryer ende këtë proces dhe për banesat që nuk ka asnjë të dhënë do të veprohet sipas asaj që përcakton VKM-ja përkatëse.
Nëse identifikohet ekzistenca, por nuk arrihet të përcaktohet sipërfaqja e ndërtesës/njësisë pronësore, përdoren vlerat referuese për sipërfaqe janë 100 metër katror sipërfaqe për njësi pronësore, për ndërtesat për banim dhe 70 metër katror sipërfaqe për njësi pronësore, për ndërtesat për banim, të privatizuara me ligjin nr. 7652, datë 23.12.1992, “Për privatizimin e banesave shtetërore”, të ndryshuar.
