Uillaim Patrik Hitler lindi në Liverpul të Britanisë së Madhe, nga një nënë britanike dhe një baba gjerman, që ishte gjymë-vëllai i Adolf Hitlerit. Kur marrëdhëniet anglo-gjermane filluan të tensionoheshin për shkak të xhaxhait të tij, Uilli botoi një ese në Revistën “Look” me titullin “Pse e urrej xhaxhain tim”.
Kur shpërtheu Lufta e Dytë Botërore, ai e transferoi familjen e tij në Shtetet e Bashkuara, ku u përpoq të regjistrohej në marinën amerikane, por u refuzua. Pasi japonezët bombarduan bazën ushtarake Pearl Harbor, presidenti amerikan Frenklin Ruzvelt e rishikoi aplikimin e Uillit, dhe në fund pranoi që ai të angazhohej në luftën kundër nazistëve.
