TIRANË– Prokuroria e Posaçme Kundër Korrupsionit dhe Krimit të Organizuar ka nisur hetim pasuror ndaj Sokol Xhurës. Njësia e inteligjencës financiare po gjurmon origjinën e parave dhe të aktiviteteve të biznesit që ky shtetas ka në Shqipëri.
Shkresa janë dërguar edhe në Zyrat e Hipotekave për të verifikuar pasuritë e paluajtshme të tij. Verifikim pasurie do të bëhet edhe ndaj të afërmve të Xhyrës, i cili sipas SPAK, ishte personi që drejtonte trafikun e armëve në kryeqyt si dhe pronar i magazinës ku u gjetën ato. Hetimet e Prokurorisë po kryhen duke u bazuar tek ligji “Antimafia”, i cili parashikon sekuestrimin e çdo aseti të vënë nga veprimtari kriminale, qoftë brenda apo edhe jashtë vendit.
Pritet të verifikohet nëse pasuria e Xhurës është ndërtuar në bazë të veprimtarive të jashtëligjshme ose jo. Arsenali i a rmëve në ndërmarrjen artistike ‘Migjeni’i cili u zbulua javë më parë ishte në pronësi të Sokol Xhurës. Ishte bashkëpunëtori i drejtësisë, Enver Jamaku, ai që e zbuloi këtë arsenal dhe përmes ‘Google Maps’ udhëzoi policinë.
